Ինչպես սովորել քնել մեկ րոպեում. 1in.am

adme.ru-ն ներկայացնում է անհանգստությունից առաջացած անքնության դեմ պայքարի հետաքրքիր մեթոդ։  Այս մեթոդն ամենից լավը կարելի է հիշել այն դեպքում, եթե այն անվանենք «4-7-8»։

Ահա այն ամենը, ինչ պետք է անել.

1.  Չորս վայրկյանի ընթացքում քթով հանգիստ շնչել։

2.  Շնչառությունը 7 վայրկյան պահել։

3.  Դրանից հետո բերանով արտաշնչել 8 վայրկյան։

Շնչառական այս վարժությունը դանդաղեցնում է սրտի աշխատանքը։ Դա շատ արագ է տեղի ունենում՝ ընդամենը մի քանի անգամ կրկնելու ընթացքում։

Ինչպես է դա աշխատում

Երբ դուք անհանգստանում եք, ձեր արյան մեջ ադրենալինի քանակը մեծանում է, և շնչառությունն արագանում է։ Իսկ շնչառությունը պահելը, դանդաղ արտաշնչելը դանդաղեցնում է նաև սրտի ռիթմը։

Այս մեթոդը հանգստացնում է նաև գիտակցությունը, քանի որ դուք անընդհատ ստիպված եք լինում հաշվել և կենտրոնանալ դրա վրա։ Այդ պահին դա չեք գիտակցում, իսկ անհանգստության զգացողությունն անցնում է։

Որպես արդյունք՝ ամբողջ մարմինը հանգստանում է։ Արագության և արդյունավետության առումով այս մեթոդը նման է անեսթեզիային։

Եթե գիշերն արթնացել եք ու այլևս չեք կարողանում քնել կամ անհանգստացած եք որևէ պատճառով և տառապում եք անքնությամբ, փորձեք «4-7-8» մեթոդը, և այն կօգնի ձեզ։

Հարցեր, պատասխաններ, մեկնաբանություններ